Giwa ta take wani dan kasar Saudi Arabia, ya mutu a wani gandun daji a kasar Uganda, bayan da mutumin mai yawan bude idanu da abokan tafiyarsa suka fita daga motar da suke ciki.
Mutumin wanda ke tare da abokan tafiyarsa da suke yawon bude idanu a gandun dajin Murchison Falls National Park inda za su je birnin Arua, ya gamu da ajalinsa ne a lokacin da suka fita daga motarsu, domin su kama ruwa da daddare.
Daga nan ne kwatsam sai wani garken giwaye ya tasa su gaba, kuma marigayin wanda ya yi nisa daga inda sauran abokan yawon nasa suke ya kasa dawowa.
Lamarin wanda ya faru ranar Talata da daddare, bai bayyana ba sosai sai a jiya Laraba.
Hukumomin da ke kula da gandun sun tabbatar da aukuwar lamarin kuma sun ce a na gudanar da bincike.
Wannan dai ba shi ne karon farko ba da namun daji ke kai hari kan mutane a Uganda. A cewar BBC.
Subscribe to Our VIP Newsletter
[newsletter_signup_form id=1]
