Hukumar abinci ta Majalisar Dinkin Duniya ya ce,farashin abinci na duniya ya tashi da kashi 28% a shekarar 2021 zuwa matakin da ya fi girma a cikin shekaru goma.
Kididdigar farashin abinci ta hukumar abinci da aikin noma (FAO), wacce ke bin diddigin kayayyakin abinci da a ka fi sayar da su a duniya, ya kai maki 125.7 a shekarar 2021, mafi girma tun daga 131.9 a shekarar 2011.
Lissafin wata-wata ya ɗan sami sauƙi a cikin Disamba, amma ya haura tsawon watanni huɗu da su ka gabata a jere, wanda ke nuna koma bayan girbi da buƙatu mai ƙarfi a cikin shekarar da ta gabata.
Haɓaka farashin abinci ya ba da gudummawa ga hauhawar farashin kayayyaki, yayin da tattalin arziƙin ke murmurewa daga rikicin coronavirus kuma FAO ta yi gargaɗin cewa hauhawar farashin na jefa talakawa cikin haɗari a cikin ƙasashe masu dogaro da shigo da kaya.
A cikin sabon sabuntawar ta, hukumar abinci ta yi taka tsantsan game da ko matsin farashin zai iya raguwa a wannan shekara.
Subscribe to Our VIP Newsletter
[newsletter_signup_form id=1]
