Kungiyar Everton ta naɗa tsohon ɗan wasan Ingila kuma tsohon ɗan wasan tsakiya na Chelsea, Frank Lampard a matsayin sabon mai horar da ita.
Lampard, mai shekara 43, wanda ba shi da aiki shekara daya kenan, tun bayan da Chelsea ta sallameshi a Janairun bara, bayan wata 18 da ya horar a Stamford Bridge.
Everton ta sake ganawa da Vitor Pereira da kuma mai aikin rikon kwarya, Duncan Ferguson a karo biyu, domi zabar daya daga ciki, amma kungiyar ta sanar da nada Lampard.
An kori Rafael Benitez daga jan ragamar kungiyar, bayan da ya ci wasa daya daga 13 da ya fafata a bayannan.
Tsohon kocin Liverpool ya yi aikin ƙasa da wata bakwai, inda Everton ke mataki na 16 a kasan teburi da tazarar maki shida tsakaninta da ’yan ukun karshe.
Tun farko Everton ta yi niyyar bai wa Vitor Pereira aikin kocin, daga baya magoya baya da yawa suka taru a Goodison Park, waɗanda suka ce, ba sa bukatar Pereira a ɗauki Lampard.
Subscribe to Our VIP Newsletter
[newsletter_signup_form id=1]
