Hukumar yaki da masu yi wa tattalin arzikin Najeriya ta’annati, EFCC, ta tsare manajan daraktan kamfanin sufurin jirgin sama na Medview Airline, Alhaji Muneer Bankole a kan zargin cinye kudin aikin hajji.
Hukumar ta zarge shi da karkatar da kashi 50 cikin dari na kudaden da hukumar aikin hajji ta Najeriya ta biya shi da kuma wasu karin dala dubu 900, domin jigilar alhazai a 2019, aikin da bai yi ba.
Rahotanni sun ce EFCC ta tsare shi ne a ranar Litinin da rana a babban ofishin hukumar da ke unguwar Jabi a Abuja.
Rahotannin sun bayyana cewa, Alhaji Muneer, ya amsa gayyatar hukumar ne inda ya je shelkwatar da misalin karfe 11 na safe, domin amsa tambayoyi kan kin aikin jigilar bayan ya karfi wadannan kudade na soma aiki.
Tuni mai magana da yawun hukumar EFCC, Wilson Uwujaren, ya tabbatar da tsare shugaban, ya kuma ce”Mu na ci gaba da gudanar da bincike a kan sa.
Subscribe to Our VIP Newsletter
[newsletter_signup_form id=1]
