‘Yan bindiga sun kashe mutum 11 a harin da suka kai yayin atasayen soja a wani sansanin sojojin Rasha ranar Asabar.
Yayin atasayen koya harbi, mutum biyu sun buɗe wuta kan wani rukuni da suka gabatar da kansu don fafatawa a yaƙin Ukraine, a cewar rahoton kamfanin labarai na Rasha mai suna Ria.
Maharan sun fito ne daga tsohuwar mamba a Tarayyar Soviet, kamar yadda ma’aikatar tsaro ta bayyana, amma ba ta yi ƙarin bayani ba.
Sai dai an harbe su nan take a yankin Belgorod da ke cikin Rashar, wanda ke maƙwabtaka da Ukraine.
An kuma raunata wasu mutum 15.
Sanarwar da ma’aikatar tsaron ta fitar ta bayyana maharan a matsayin ‘yan ta’adda.
Subscribe to Our VIP Newsletter
[newsletter_signup_form id=1]
