Hukumar kwallon kafa ta kasar Jamus ta fara binciken furucin dan wasan tsakiyar Ingila, Jude Bellingham game da alkalin wasa Felix Zwayer da ya yi, bayan Bayern Munich ta lallasa Borussia Dortmund da ci 3-2.
Bellingham, mai shekaru 18, ya yi furuci ne a kan nadin alkali Zwayer, ya na mai nuni da dakatarwar da aka yi masa na tsawon watanni shida, saboda badakalar gyara wasa a shekarar 2005.
Zwayer ya yi watsi da roƙon da Dortmund ta yi na neman bugun fanareti kafin ya ba abokan hamayyarsu bugun daga kai sai mai tsaron gida na Mats Hummels.
Robert Lewandowski ne ya zura bugun daga kai sai mai tsaron gida inda Bayern ta samu nasara.
Bellingham ya ce: “Kuna ba wa alkalin wasa, wanda aka tsayar da shi a baya, wasa mafi girma a Jamus. Me kuke tsammani?”
Â
Subscribe to Our VIP Newsletter
[newsletter_signup_form id=1]
