Shugaban ƙasa Muhammadu Buhari na kan hanyarsa ta zuwa ƙasar Haɗaɗɗiyar Daular Larabawa ta United Arab Emirates (UAE) a yau Alhamis.
Buhari zai gana da sabon Shugaban Ƙasar, Sheikh Mohamed bin Zayed Al Nahyan a birnin Abu Dhabi, don yi masa ta’aziyyar tsohon Shugaban Ƙasa, Sheikh Khalifa bin Zayed Al Nahyan, a cewar wata sanarwa daga Fadar Shugaban Najeriya.
Kazalika zai taya sabon shugaban murna da kuma “sabunta ƙawancen da ke tsakanin Najeriya da UAE na tsawon shekaru”.
Ministocin da za su yi wa Buhari rakiya sun haɗa da Ministan Sadarwa Isa Pantami, da Ƙaramin Ministan Harkokin Waje Zubairu Dada, da Ministan Sufurin Jirgin Sama Hadi Sirika, da Ministan Abuja Mohammed Bello.
Ana sa ran zai koma gida Najeriya ranar Asabar. In ji BBC.
Subscribe to Our VIP Newsletter
[newsletter_signup_form id=1]
