Babban malami a jami’ar KASU Farfesa Mohammed ya yanke jiki ya mutu

Mamali a jami’ar jiha ta Kaduna (KASU), Farfesa Mohammed Abubakar, ya yanke jiki yya fadi a cikin jami’ar, inda tuni ya rigamu gidan gaskiya.

Farfesa Mohammed Abubakar, wanda ya ke a fannin sabanta makamashi da ilimin kimiyyar kwayoyin halitta, a Jami’ar Jihar Kaduna (KASU), ya rasu ya na da shekaru 67 a duniya.

Har zuwa rasuwarsa a ranar Juma’a da rana, Farfesa Abubakar ya kasance malami a sashin ilimin kimiya na KASU.

Da yake tabbatar da rasuwarsa ga Aminiya kanensa, Abdulrazak Abubakar, ya ce, marigayin ya fadi ne a jami’ar ta KASU da yammacin ranar Juma’a, kuma aka garzaya da shi asibitin makarantar inda aka tabbatar da rasuwarsa.

Ya ce marigayi Farfesan wanda aka yi jana’izarsa kamar yadda addinin Musulunci ya tanada, ya kai ‘ya’yansa makaranta a safiyar ranar Juma’a kafin ya dawo gida ya shirya aiki.

Marigayin ya rasu ya bar mata biyu da ‘ya’ya 10 da jikoki.

Subscribe to Our VIP Newsletter

[newsletter_signup_form id=1]