Gamayyar kungiyoyin da ke goyon bayan jam’iyyar APC ta Kudu maso Kudu, sun sha alwashin ba za su bari abin da ya faru a zabukan 2015 da 2019 ba, inda mutanen shiyyar ba su zabi jam’iyyar APC ba, ta sake maimaita kanta a zaben 2023.
Kungiyoyin sun kuduri aniyar fara wayar da kan jama’a tare da yakin neman zabe a unguwanni da sassan dake shiyyar, domin ganin dan takararsu na shugaban kasa Bola Ahmed Tinubu ya fito, da kuma sauran ‘yan takarar jam’iyyar a jihar a zaben 2023.
Shugaban gamayyar kungiyar reshen jihar Akwa Ibom, Rt Hon Patty Etete Inemeh ne ya bayyana hakan a karshen mako a yayin gangamin yakin neman zabe na jam’iyyar APC ta Kudu a Uyo babban birnin jihar.
Inemeh ya bukaci kungiyoyin goyon bayan da su tashi tsaye wajen gudanar da gangami da wayar da kan jama’a a unguwanni da sassan fadin jihar domin jama’a a matakin kasa su samu kwarin guiwar zabar dukkan ‘yan takarar jam’iyyar APC, kamar yadda ya yaba da kyawawan halaye na dan takarar shugaban kasa na jam’iyyar APC. Ahmed Tinubu.
Subscribe to Our VIP Newsletter
[newsletter_signup_form id=1]
