Hukumar korafe-korafen al’umma da yaki da cin hanci da rashawa ta Jihar Kano, ta bayyana damuwarta kan hauhawar farashin biredi da sauran kayan abinci.
Ta sha alwashin ba za ta yi shiru ba yayin da ake zargin wasu ‘yan kasuwa a jihar da hauhawar farashin kayayyaki.
Shugaban Hukumar, Barr. Muhuyi Magaji Rimin Gado ya bayyana hakan a ranar Alhamis a hedikwatar hukumar da ke Kano.
Gado ya ce ana kara nuna damuwa a tsakanin jama’a dangane da farashin biredi a halin yanzu duk da tsayuwar farashin ful a kasuwa.
Ya bayyana cewa daga makon da ya gabata zuwa farkon makon nan hukumar ta samu korafe-korafe da dama daga al’umma game da rage farashin fulawa, wani danyen da ake toyawa.
Ya ce, “mutane suna son hukumar ta gano dalilin da ya sa masu sayar da biredi suka ki rage farashin biredi.
“Mun sami damar ganawa da masu yin burodi, amma sun yi jayayya cewa sun rage farashin biredi.
“Duk da haka, sun kuma koka da cewa a cikin kwanaki biyu dillalan fulawa sun kara farashin da buhu N5,000.
“Sun koka da cewa ana sayar da garin a kan kudi kusan Naira 60,000 kuma yanzu ana sayar da shi a kan Naira 65,000, kamar yadda suka fada.”
Ya bayyana cewa hukumar na shiga tsakani a tsakanin bangarorin domin ganin an yi abin da ya dace.
‘’Mun sha yin haka a lokuta da dama don ganin cewa talakawa ba su shan wahala. Mun bi wadanda suke tara kayan abinci a watan Ramadan kuma mun sami damar rage farashin.
“Lokacin da muka samu korafi daga mutane har ma a lokacin COVID-19 da karancin mai, mun hada kai da hukumomin da abin ya shafa don tabbatar da cewa an kawo wa jama’a taimako.
Ya kara da cewa, “Don haka ne shugaba Bola Tinubu a lokacin watan Ramadana lokacin da muka fara jawabi wajen tattara kayan abinci ya yaba da kokarin tare da rokon sauran jihohi su yi koyi da Kano a matsayin matakin magance matsalar karancin abinci,” inji shi.
Subscribe to Our VIP Newsletter
[newsletter_signup_form id=1]
