Rundunar ‘yan sandan Kano, ta tabbatar da kama mutum 13 da ake zargi da kona ofishin yakin neman zaben gwamna, Sanata Barau I. Jibrin da ke kan titin Maiduguri Road a Kano.
Da ya ke tabbatar da faruwar lamarin a ranar Alhamis, mai magana da yawun rundunar a Kano, DSP Abdullahi Haruna Kiyawa, a cikin wata sanarwa da ya fitar, ya ce, kwamishinan ‘yan sandan, CP Sama’ila Shu’aibu Dikko, ya umurci rundunar ‘Operation Puff Adder’ da su kai dauki wurin, domin kama masu laifin da bayar da tsaro.
Kayayyakin da aka kwato sun hada da, muggan makamai guda 34, da jarkar da ake zargin man fetur 2 ganyen wiwi guda 30, da tarin kwayoyi 24 da kuma sholisho 4, Wayar Hannu 1, Masoyan rufi 2 da tarin laya.
Subscribe to Our VIP Newsletter
[newsletter_signup_form id=1]
