Hukumomin kasar Habasha sun saki shugaban jam’iyyar adawa Eskinder Nega, kamar yadda jam’iyyarsa ta bayyana a ranar Juma’a, bayan shafe shekaru daya da rabi a gidan yari.
Eskinder, wanda ya kafa jam’iyyar Balderas for Genuine Democracy, an gurfanar da shi a gaban babbar kotu a watan Satumban na shekarar 2020 da laifin ta’addanci.
An kama tsohon dan jaridar nan mai ra’ayin rikau kuma dan jarida a farkon shekarar 2020 bayan tarzomar da ta biyo bayan kisan da a ka yi wa mawakin siyasa Haacaaluu Hundeessaa a birnin Addis Ababa.
Laifukan ya biyo bayan tashe-tashen hankula da ya barke sakamakon mutuwar Haacaaluu, wanda yawancin al’ummar Oromo, mafi girma daga cikin kabilu sama da 80 na kasar Habasha ke girmamawa. Akalla mutane 178 ne a ka kashe a yankin Oromiya da kuma babban birnin.
Eskinder, wanda dan kabilar Amhara ne, an yanke masa hukunci tare da wasu masu fafutuka fiye da goma, ciki har da fitaccen mai yada labaran Oromo kuma dan siyasa Jawar Mohammed.
Subscribe to Our VIP Newsletter
[newsletter_signup_form id=1]
