A ranar Juma’a ne wani Innocent Udoh mai shekaru 54 ya gurfana a gaban wata kotun majistare ta Iyaganku da ke Ibadan, bisa zargin satar wayoyi 70 da kudinsu ya kai Naira miliyan 1.75.
Udoh, wanda ba a bayar da adireshinsa ba, ana tuhumar sa ne da laifin hada baki da kuma sata.
Sai dai wanda ake tuhumar ya musanta aikata laifin.
Karanta Wannan: An cafke ƴan fashi da makami 14 a Kano
Dan sanda mai shigar da kara, ASP Sikiru Ibrahim, ya shaida wa kotun cewa Udoh da sauran su sun yi satar ne a ranar 30 ga watan Maris daga karfe 12:00 na safe zuwa 5:00 na safe a unguwar Mokola da ke birnin Ibadan.
Ibrahim ya yi zargin cewa Udoh ya saci wayoyin Itel guda 50 da kudinsu ya kai N750,000 da kuma wayoyin hannu guda 20 na wayoyin hannu na android na Naira miliyan 1, daga hannun wani Mista Nwaoma Ezeco.
Ya ce laifukan sun ci karo da sashe na 516 da na 390(9) na dokokin laifuka na jihar Oyo, 2000.
Alkalin kotun, Misis T. B. Oyekanmi, ta bayar da belin wanda ake kara a kan kudi N500,000 tare da mutane biyu da za su tsaya masa.
Ta dage sauraron karar har zuwa ranar 26 ga Afrilu don ci gaba da sauraren karar.
Subscribe to Our VIP Newsletter
[newsletter_signup_form id=1]
