Matan kasar Saudiyya sun zama zakara a gasar tseren doki da a ka gudanar na Sarki Abdulazizi.
Matan mahaya dawakai 10 ne suka yi nasara cikin 38 da suka fafata a gasar tsere karo na shida yayin bikin Raƙuma na Sarki Abdulaziz wanda ya gudana a ranar Asabar.
Jaridar Saudi Gazette ta rawaito cewa, wannan shi ne karo na farko da matan su ka fara tseren dokin a kasar Saudiyya.
Daruruwan ‘yan kallo sun taru domin kashe Kwarkwatar idanun su yayin gudanar da tseren da mata suka fafata a karon farko a tarihin bikin.
Wannan ne karon farko da aka ƙaddamar da zagayen ‘yan ɗai-ɗai a tseren wanda a ke gudanarwa a filin da ya kai faɗin murabba’in kilomita 32 a yankin Sayahadah.
Waɗanda su ka yi nasara a tseren za su samu kyautar kuɗi riyal miliyan 88, mafi girma a duniya a tsren dabbobi.
An shigar da mata gasar ne da zimmar ƙarfafa musu gwiwar shiga al’amura sanye da tufafinsu na gargajiya da kuma faɗaɗa azuzwan masu shiga gasar.
Subscribe to Our VIP Newsletter
[newsletter_signup_form id=1]
