Tawagar Likitoci a kasar Amurka sun samu nasarar yi wa wani mutum dashen zuciyar Alade.
Wannan aiki na dashen zuciyar Alade irin sa ne na farko da a ka fara aiwatar wao a duniya, wanda mutumin ya ke murmurewa kwana uku bayan dashen da a ka yi masa.
Tawagar Likitoci sun bayyana aikin da cewa, gagarumin ci gaba ne da kuma nasara, domin a na ganin a karshe zai kai ga a na amfani da hanyar wajen yin amfani da sassan dabbobi, domin yi wa mutane dashe.
Likitocin da suka jarraba wannan sa’ar a asibitin Jami’ar Maryland sun ce, zuciyar Aladen wadda a ka yi wa kwaskwarima ta yadda jikin dan Adam zai iya karbarta, ta na aiki a jikin mutumin kalau, bayan aikin na tsawon sama da sa’a bakwai da a ka yi masa.
Sun kuma ce, zuwa wasu sa’o’i 24 za a iya cire wata na’urar da a ka hada wa mutumin da a ka yi wa aikin mai suna David Bennett, mai shekara 57, da ke taimaka masa.
Subscribe to Our VIP Newsletter
[newsletter_signup_form id=1]
