Mai Alfarma Sarkin Musulmi kuma Shugaban Majalisar Koli ta Harkokin Addinin Musulunci ta Najeriya NSCIA, Alhaji Sa’ad Abubakar, ya umurci Musulmi da su duba jinjirin watan Dhul-Hijja 1444 bayan hijira daga ranar Lahadi.
A wata sanarwa mai dauke da sa hannun Shugaban Kwamitin Ba da Shawara kan Al’amuran Addini na Majalisar Sarkin Musulmi ta Sakkwato Farfesa Sambo Junaidu, ya ce Zul-Hijja shi ne na 12 kuma watan karshe a kalandar Musulunci da Musulmi ke gudanar da aikin Hajji na shekara-shekara da bukukuwan Sallah. – bikin el-Kabir.
Sanarwar ta ci gaba da cewa, “Wannan shine don sanar da al’ummar musulmi cewa ranar Lahadi 18 ga watan Yuni, daidai da 29 ga watan Zul-Qadah ita ce ranar neman jinjirin watan Dhul-Hijjah 1444”.
Ya kara da cewa an bukaci al’ummar musulmi da su fara neman jinjirin wata a ranar Lahadi kuma su kai rahoto ga Hakimin gundumar ko kauye mafi kusa don tuntubar Sarkin Musulmi.
Sanarwar ta yi addu’ar Allah ya taimaki dukkan musulmi wajen gudanar da ayyukansu na addini.
Subscribe to Our VIP Newsletter
[newsletter_signup_form id=1]
