Ƴan sandan Pakistan sun shaida wa BBC cewa aƙalla mutum 20 ne suka rasu tare da jikkata sama da 50 sakamakon fashewar bam.
Lamarin ya faru ne a kusa da wani masallaci yayin da mutane suka taru don yin bikin tunawa da haihuwar Annabi Muhammad (SAW) ko kuma maulidi a yau Juma’a a yankin Balochistan.
Ƴan sanda sun yi zargin cewa harin na ƙunar-baƙin-wake ne a birnin Mastung.
Hukumomi sun saka dokar ta-ɓaci, yayin da ake ci gaba da kai waɗanda suka jikkata asibitoci biyu mafiya kusa.
Bidiyon da aka yaɗa a shafukan sada zumunta ya nuna yadda masu bayar da agajin gaggawa da jama’ar yankin ke aikin ceto.
Zuwa yanzu babu wata ƙungiya da ta ɗauki alhakin kai harin.
Subscribe to Our VIP Newsletter
[newsletter_signup_form id=1]
