Sanatocin Amurka na bangarorin da ke adawa da juna sun gabatar da kudirin doka da zai haramta wa Rasha fitar da man fetur a yunkurin kasashen Yamma na durkusar da tattalin arzikinta kan mamayar Ukraine.
BBC ta rawaito cewa, idan majalisa ta amince da kudurin, sai Fadar White House ta yarda da shi kafin ya zama doka.
Sai dai Shugaba Biden na kaffa-kaffa kan karin takunkuman da ka iya haifar da matsin tattalin arziki a duniya baki ɗaya.
Ita ma Canada na kara matsawa da wasu dokoki masu tsauri, inda ta dakatar da jiragen da ke daukar ‘yan asalin Rasha daga filin jirgin Yellowknife da ke Arewacin ƙasar.
Hakan ma zuwa ne a lokacin da Rasha ke kai hare-hare kan Ukraine ta ko ina a yaƙar ta da ta ke yi.
Subscribe to Our VIP Newsletter
[newsletter_signup_form id=1]
