Wasu ‘yan bindiga sun kai hari a garin Dutsin-Ma da ke jihar Katsina a daren ranar Talata, inda suka yi awon gaba da dalibai biyu na Jami’ar Tarayya ta Dutsin-ma da ke unguwar Gidan Rediyon Bayan Gidan.
Wani mai sharhi kan harkokin tsaro, Bakatsine ne ya bayyana lamarin a wani sako da ya wallafa a shafinsa na X ranar Laraba.
A cewar Bakatsine, mahara dauke da makamai sun far wa yankin da daddare, lamarin da ya haifar da firgici a tsakanin mazauna yankin kafin su yi awon gaba da daliban.
“A daren jiya ‘yan bindiga sun kai hari garin Dutsin-Ma a jihar Katsina, inda suka yi awon gaba da dalibai biyu na Jami’ar Tarayya Dutsin-ma da ke unguwar Bayan Gidan Rediyo.”
Kokarin jin ta bakin rundunar ‘yan sandan jihar domin jin ta bakinsa ya ci tura har zuwa lokacin da ake hada wannan rahoto.
Subscribe to Our VIP Newsletter
[newsletter_signup_form id=1]
