Gwamnan jihar Borno, Babagana Umara Zulum, a ranar Alhamis a Maiduguri, ya bayyana cewa, gwamnati ta ware gidaje 259 tare da sakin Naira miliyan 110 ga rundunar ‘yan sandan Najeriya a jihar.
Zulum ya bayyana hakan ne a lokacin kaddamar da bankin ‘yan sandan Najeriya reshen jihar Borno (NPFM Bank).
An tsara bankin Microfinance ne don samar da ayyukan kudi don tallafa wa kanana da matsakaitan sana’o’i ga iyalan ‘yan sanda, ‘yan uwansu da fararen hula a jihar Borno.
Bude bankin a Maiduguri ya samu halartar babban sufeton ‘yan sanda, Usman Baba Alkali.
Na farko, in ji Zulum, an yi amfani da Naira miliyan 25 don raba wa iyalan ‘yan sandan da suka mutu a bakin aiki.
Ya ba da umarnin a ajiye kudaden a asusun ajiyar yaran da jami’an ‘yan sandan da suka mutu suka bari a baya.
Kudaden Naira miliyan 30, inji gwamnan, za a saka shi a asusun ajiyar kudi, domin tallafa wa matan ‘yan sanda da ke aiki a fadin jihar Borno.
Zulum ya yabawa IGP Alkali, bisa kaddamar da reshen bankin na Borno wanda ya ce, ya nuna yadda IGP ya ba da fifiko ga jin dadin ‘yan sanda.
Subscribe to Our VIP Newsletter
[newsletter_signup_form id=1]
