Rundunar Sojan Najeriya ta gargadi jama’a kan daukar ma’aikata ta kafar internet na bogi da ake yadawa a shafukan sada zumunta da sauran kafafen sadarwa cewa, zamba ne kawai tsagwaranta da ake tallata daukar ma’aikata zuwa NA 83 Regular Recruit Intake.
Rundunar a cikin wata sanarwa dauke da sa hannun Daraktan hulda da jama’a na rundunar, Birgediya Janar Onyema Nwachukwu, ta ce, shafin daukar ma’aikata na da nufin damfarar ‘yan Najeriya.
Hanyar hanyar shafin internet din shine: https://recruitment.army.mil.ng/darrr wanda kawai ya kasance na karya ne.
Sanarwar ta kara da cewa: “Wannan ci gaban da bai dace ba, NA na son sanar da jama’a karara cewa, babu wani daukar ma’aikata da ake ci gaba da yi, kamar yadda aka buga a kafar yada labaran karya. Bayanin karya ne, yaudara da nufin damfarar jama’a wadanda ba su ji ba gani.
“Saboda haka, an umurci jama’a da su yi hattara da dillalan daukar ma’aikata na karya ta yanar gizo wadanda ke matukar farautar wadanda abin ya shafa.”
Rundunar ta lura cewa, ana buga tallace-tallacen daukar ma’aikata da Sojoji ke yi a jaridun kasar nan.
Subscribe to Our VIP Newsletter
[newsletter_signup_form id=1]
