Kocin Faransa, Zinedine Zidane ya baiwa shugaban Real Madrid Florentino Perez sharadi daya da zai cika kafin (Zidane) ya dawo a matsayin kocin kungiyar.
Bafaranshen na son komawa Santiago Bernabeu ne kawai idan Perez ya amince ya sayi Rayan Cherki, in ji Sport.
Tsohon dan wasan Real Madrid kuma kocin yana sha’awar yin aiki tare da dan wasan Faransa.
An ce Zidane ya shaidawa Perez cewa zai koma kungiyar a matsayin wanda zai maye gurbin Carlo Ancelotti idan har ya samu tabbacin siyan Rayan Cherki.
Ana dai kallon Cherki a matsayin daya daga cikin matasan ‘yan wasa mafi burgewa a fagen kwallon kafa a Turai a halin yanzu kuma Zidane ya kasance babban masoyin dan wasan gaba.
Makomar Ancelotti a kungiyar ta Sipaniya ba ta da tabbas, duk da tsohon kocin da ya jagoranci Los Blancos a gasar La Liga da gasar zakarun Turai a bara.
Real Madrid ce ta biyu a teburin gasar da maki takwas tsakaninta da abokiyar hamayyarta Barcelona.
Subscribe to Our VIP Newsletter
[newsletter_signup_form id=1]
