Peter Obi, dan takarar shugaban kasa na jam’iyyar Labour, ya jaddada aniyarsa ta samar da shirye-shirye da za su kawo sauyi a Najeriya idan aka zabe shi.
Mista Obi, wanda ya taba zama gwamnan Anambra a wani lokaci, ya yi wa ‘yan jarida jawabi bayan ganawar sirri da Gwamna Okezie Ikpeazu na Abia, ranar Asabar, a kauyen Umuobiakwa.
Ya ce ziyarar na ci gaba da tuntubar sa da masu ruwa da tsaki a fadin kasar nan.
Mista Obi ya kuma kara da cewa ziyarar ta zo daidai da manufofinsa na ziyartar shugabanni da masu ruwa da tsaki a fadin kasar nan.
Ya kara da cewa hakan kuma ya yi daidai da kishinsa na yiwa kasa hidima a matsayinsa na shugaban kasar Najeriya.
A cewarsa, ba za a iya magana a kan shugabanci a yankin Kudu maso Gabas ba tare da neman Mista Ikpeazu ba, yana mai nuni da cewa ziyarar ta musamman ce domin sanar da gwamnan kan burinsa.
Subscribe to Our VIP Newsletter
[newsletter_signup_form id=1]
