Gwamnan jihar Benue, Samuel Ortom, ya ce, gwamnatin jihar, za ta bi hanyoyin ka’ida wajen sayen bindiga ƙirar Ak-47 ga jami’an tsaro.
Ortom ya bayyana haka ne a Makurdi babban birnin jihar a lokacin bikin kaddamar da jami’an tsaron, a dai-dai lokacin da jihohin Ondo da Ekiti da Osun da Zamfara suma su ka bayyana cewa zasu baiwa jami’an tsaron jihohinsu bindigogi saboda taɓarɓarewar tsaro a ƙasar baki daya.
A lokacin bikin kaddamar da jami’an tsaron jihar Benue, Ortom ya ce, ana kai wa jiharshi hari, saboda mutane sun ƙi miƙa wuya ga filayen su. In ji BBC.
Ortom ya kara da cewa, mutane 500 aka zaɓa daga ƙananan hokumomi 23, domin shiga kason farko na jami’an tsaron, kuma sun yi faretin yaye su a farfajiyar IBB Square dake birnin Makurdi.
Gwamnan ya ce, gwamnatinsa ta yanke shawarar kaddamar da na ta jami’an tsaron, saboda gazawar gwamnatin tarayya na raba mayakan sa kai da makamansu.
Subscribe to Our VIP Newsletter
[newsletter_signup_form id=1]
