Gwamna Dr. Abdullahi Ganduje na jihar Kano, a ranar Litinin ya kalubalanci dan takarar shugaban kasa na jam’iyyar New Nigeria Peoples Party (NNPP), Sanata Rabi’u Kwankwaso da ya gudanar da wani taro a jihar domin gwada farin jininsa.
Ganduje ya yi magana ne kan yawan fitowar jama’a a taron gangamin jam’iyyar All Progressives Congress (APC) da aka yi wa Bola Tinubu a jihar a safiyar ranar Litinin.
A cewar Gwamnan, da yawa daga cikin mabiya Kwankwaso a yanzu suna tare da APC.
“Don haka, idan Kwankwaso yana tunanin zai iya lashe zaben, to ya gudanar da irin wannan tattaki, ya kwatanta abin da zai faru idan zai iya,” i
Gwamna Ganduje ya kara nuna shakku kan batun siyasar Ibrahim Shekarau, wanda ya bayyana cewa yana ficewa daga wannan jam’iyya zuwa waccan tare da rasa dimbin mabiyansa a wannan tafiyar.
Gwamnan ya yi imanin cewa Shekarau ya bar mafi yawan mabiyansa a jam’iyyar All Progressives Congress, NNPP kuma ya ba da shawarar cewa babu wanda ya san matakin da tsohon Gwamnan zai dauka na gaba.
Subscribe to Our VIP Newsletter
[newsletter_signup_form id=1]
