Ministan harkokin waje, Geoffrey Onyeama, ya shaida wa BBC cewa, ofishin jakadancin ƙasar a Sudan yana ƙoƙarin shirya motocin bas-bas da za su kwashe ɗaliban Najeriya kimanin 5000.
Ana dai fatan kwashe ɗaliban ne zuwa kan iyakar Sudan da ƙasar Masar.
Daga ƙasar Masar ne kuma za a shirya yadda hukumomi za su fara kwaso ɗaliban a cikin jiragen sama zuwa gida Najeriya.
Sai dai zuwa yanzu, hukumomi a Najeriya ba su ce ga lokacin da za a fara wannan aiki na kwashe ɗaliban ba daga Sudan ɗin ba.
Sojojin Sudan da rundunar RSF ta masu kayan sarki na ci gaba fafata yaƙi a gwagwarmayar ɓangarorin biyu ta ƙwatar iko.
Subscribe to Our VIP Newsletter
[newsletter_signup_form id=1]
