Shugabannin ƙasashen yamma sun yi gargaɗin cewa akwai yiwuwar a shafe shekara huɗu ana gwabza yaƙi a Ukraine inda suka ce akwai buƙatar a samu agaji mai ɗorewa domin kare ƙasar daga mamayar Rasha.
Firaiministan Birtaniya Boris Johnson wanda ya kai ziyara a Kyiv a ranar Juma’a ya fitar da tsare-tsare huɗu na samar da makamai da kuma bayar da agaji ga tattalin arziki Ukraine.
Mista Johnson ya ce, burin Shugaba Putin na Rasha ba zai tsaya kawai a tarwatsa Ukraine ba kaɗai.
Shugaban sashen siyasa na ƙungiyar NATO, Jens Stoltenberg ya bayyana cewa akwai buƙatar a ci gaba da kai wa Ukraine ɗauki ko da a ce kuɗin da za a kashe suna da yawa idan ba haka ba Mista Putin zai ci gaba da abin da yake yi.
A bidiyon da ya yi na baya-bayan nan, Shugaban Ukraine Volodymyr Zelensky ya bayyana cewa Rasha ba ta da isassun makamai masu linzamin da za ta iya tarwatsa Ukraine baki ɗaya. In ji BBC.
Subscribe to Our VIP Newsletter
[newsletter_signup_form id=1]
