Za a fara hukunta kamfanonin jiragen saman Najeriya

Hukumar kula da zirga-zirgar jiragen sama ta ƙasa NCAA, ta bayyana aniyarta na sanya takunkumi ga kamfanonin jiragen sama da ke jinkirta dawo da kuɗin tikitin ga fasinjoji, bayan jinkiri ko soke tashin jirgin sama.

Wannan dai wani ɓangare ne na tsare-tsare na Hukumar NCAA, wanda ke ba da fifikon haƙƙin fasinjoji.

Hukumar ta NCAA ta gabatar da dokar ce sakamakon abin da ya faru da wani fasinja da kamfanin jirgin sama na Airpeace.