An samu wani tsohon akanta a ofishin shugaban ma’aikata na kasa, Garba Abdullahi Tahir, da laifin wawushe kuɗin fansho da ya kai Naira miliyan 26 inda kuma aka yanke masa hukuncin shekara 21 a gidan yari.
Hukumar EFCC mai yaƙi da yi wa tattalin arziki zagon ƙasa a Najeriya ce ta gurfanar da Garba Abdullahi gaban wata babbar kotun tarayya da ke Abuja kan wasu laifuka bakwai da ke da alaƙa da almundahana.
Da yake yanke hukunci, alƙali Inyang Ekwo ya ce EFCC ta tabbatar da tuhumar da take yi wa tsohon akantan inda kuma aka same shi da laifin aikata duka laifukan.
Mai shari’ar ya yanke masa hukuncin ɗaurin shekara uku-uku a kan dukkanin laifukan bakwai, jumulla ke nan zai shafe shekara bakwai a gidan maza.
Wata sanarwa da kakakin EFCC, Wilson Uwajaren ya fitar ta ce tun farko wanda ake tuhumar ya musanta aikata laifukan da aka tuhume shi da su.
Subscribe to Our VIP Newsletter
[newsletter_signup_form id=1]
