Rundunar ƴansandan birnin tarayya Abuja ta ce, an samu gawar tsohon shugaban hukumar Shige da Fice ta, David Parradang a cikin ɗakin wani otal.
Cikin wani saƙo da kakakin rundunar ƴansandan birnin, SP Josephine Adeh ta wallafa a shafinta na X, ta ce an samu gawar Parradang mace a wani ɗakin otal da ke yankin Area 3 a Abuja, cikin wani yanayi da yake buƙatar bincike.
Ƴansandan sun ce bayanan da suka samu sun nuna cewa a ranar Talata, 3 ga watan Maris, Parradang ya kama ɗaki a otal ɗin da nufin yin kwana guda inda ya biya naira 22,000.
”Bayan kama ɗakin, wata mace ta ziyarce shi a ɗakin – wadda daga baya ta fice daga ɗakin bayan ƙwace wasu sa’o’i, inda shi kuma aka ame shi a mace bayan haka”, kamar Yadda SP Josephine ta wallafa a shafinta na X.
Ta ƙara da cewa yanzu haka ƴansanda sun faɗaɗa bincike da nufin gano matar domin gano aihinin abin da ya faru har tsohon babban jami’in na shge da fice ya rasa ransa.
Subscribe to Our VIP Newsletter
[newsletter_signup_form id=1]
