Rundunar ‘yan sanda jihar Kano ta kama wani tsohon mutum mai suna Musa Ali, da a ke zargi da yin sojan gona, jim kadan bayan ya gudu da motar wani mutum da ya ba shi ajiya a Kauyen Domaje na karamar hukumar Garin Malam.
Mai magana da yawun rundar, DSP Abdullahi Haruna Kiyawa ne ya tabbatarda hakan ga manema labarai.
Ya ce,”Wanda a ke zargin mai shekaru 60 dan asalin garin Zaria ne wanda ‘yan sanda su ka kama shi, bayan ya yiwa mai motar karyar cewa shi ne mai gadi a wurin lokacin da mutumin ya zo bayar da ajiyar motar, sakamon ta lalacewa”. Inji DSP Kiyawa.
Sai dai wanda a ke zargi da satar motar mai suna, Musa Ali, ya tabbatar da cewa shi ne mai gadin wajen da a ka kawo masa motar.
Subscribe to Our VIP Newsletter
[newsletter_signup_form id=1]
