Rundunar ‘yan sandan birnin tarayya, ta tabbatar da kashe wani Mista Benjamin Ogundare tare da yin garkuwa da ‘yan uwansa a Ushafa da ke karamar hukumar Bwari a Abuja.
Wasu ‘yan bindiga da ake kyautata zaton masu garkuwa da mutane ne sun kai farmaki a bayan makarantar firamare ta Ushafa, kusa da shaharren shakatawa na Going-park inda suka yi harbin kan mai uwa da wabi tare da garzaya da wasu ‘yan uwa biyu zuwa inda ba a san inda suke ba.
Da yake tabbatar da faruwar lamarin, jami’in hulda da jama’a na rundunar ‘yan sandan, DSP Josephine Adeh a wata sanarwa da ya fitar a ranar Laraba, ya ce rundunar ta kaddamar da farautar mutanen domin ceto wadanda lamarin ya shafa.
A cewar PPRO, an aika da sakon bacin rai ga hedikwatar ‘yan sanda ta Bwari a safiyar ranar Laraba wanda ya kai ga tattara dabaru da bayanan sirri na rundunar zuwa wurin.
“Da ganin jami’an, ‘yan bindigar sun bindige wani mai suna Benjamin Ogundare tare da yin garkuwa da Goodluck Ogundare da Janet Ogundare.
“An garzaya da wanda aka kashe zuwa asibiti inda likita ya tabbatar da mutuwarsa.
“An kaddamar da aikin farauta da ceto a kan wutsiyar ‘yan bindigar, yayin da ake ci gaba da bincike”.
Subscribe to Our VIP Newsletter
[newsletter_signup_form id=1]
