Rundunar ‘yan sanda a jihar Ebonyi ta tabbatar da kashe biyu daga cikin ‘yan bindigar da suka kai hari a shelkwatar hukumar hana sha da fataucin miyagun kwayoyi (NDLEA) da ke jihar.
‘Yan bindigar sun kai hari ne a safiyar ranar Talata a ofishin hukumar NDLEA da ke Ntezi a karamar hukumar Ishielu a jihar.
Kakakin rundunar ‘yan sandan, DSP Loveth Odah, ta shaida wa kamfanin dillancin labarai na kasa NAN a Abakaliki cewa, ‘yan sandan sun kuma kwato makamai da alburusai da kuma layu a wurin su.
A cewar Guardian, ta kuma tabbatar da cewa, an kashe wani jami’in hukumar ta NDLEA da wani farar hula.
A cewarta, wasu daga cikin kayayyakin da aka kwato daga wurin da lamarin ya faru akwai bindigu guda biyu (AK-49 da K2) da kuma harsashi guda 140 K2.
Sauran harsashi na GPMP guda 36, harsashin bindigar barreta guda 65, Toyota 4Runner Jeep, wasu laya da sauran abubuwa masu tayar da hankali.
Subscribe to Our VIP Newsletter
[newsletter_signup_form id=1]
