Binciken da ‘Yan Sanda suka gudanar a kan Abba Kyari, ya nuna cewa, akwai hannun wani dan uwansa a ciki da hannu dumu-dumu.
A na zargin kanin Abba Kyari da karbar sama da Naira miliyan 200 daga wajen mutanensu Hushpuppi.
Hujjojin banki sun nuna shi kan shi Dan Sandan Abba Kyari da ake bincike ya aikawa dan uwansa Naira miliyan 40 a bankinsa.
Binciken ‘yan sanda ya bankado yadda Ramon Abass wanda aka fi sani da Hushpuppi da mutanensa suka aika da Naira miliyan 235, 120, 000 ga kanin Abba Kyari.
Binciken da aka yi ya kuma nuna DCP Abba Kyari wanda aka dakatar daga aiki ya tura Naira miliyan 44 zuwa ga asusun wannan kanin na sa a lokuta dabam-dabam.
Jaridar Punch ce fitar da wani bangare na sakamakon binciken da aka yi a kan tsohon shugaban dakarun Intelligence Response Team watau DCP Abba Kyari.
Subscribe to Our VIP Newsletter
[newsletter_signup_form id=1]
