Rundunar ‘yan sandan jihar Ebonyi ta tabbatar da cewa, wasu ‘yan bindiga sun kai hari kan wani kamfanin gine-gine a karamar hukumar Ikwo da ke jihar.
Jami’ar hulda da jama’a na rundunar ‘yan sandan, DSP Loveth Odah, ta bayyana hakan a ranar Asabar a Abakaliki cewa lamarin ya faru ne a ranar Juma’a.
“An kashe daya daga cikin ‘yan bindigar, yayin da wasu suka tsere da raunukan harbin bindiga a yayin fafatawar. Wani dan sanda ya samu rauni kuma yana cikin mawuyacin hali a wani asibiti.
“Masu harbin ya zo ne a kan babur zuwa wurin da ake ginin a unguwar Ikwo, kuma ya fara harbe-harbe kai-tsaye a kokarin yin garkuwa da wani mai kula da wurin, Mista Derry Gee, mai shekaru 34.
“Alhamdu lillahi, jami’an ‘yan sandan da ke aiki da kamfanin sun samu nasarar dakile harin.
“Dan sandan da ya raunata ya samu harsashi a kafarsa. Abin takaici, wani jariri dan shekara takwas a kusa da yankin ya samu mummunan rauni.
“Hukumar tana gudanar da bincike sosai kan lamarin. Tuni dai hukumar CID ta jihar ke kan lamarin kuma mai yiyuwa ne a kama ’yan bindigar,” inji ta.
Subscribe to Our VIP Newsletter
[newsletter_signup_form id=1]
