Hukumar kula da ayyukan ‘yan sanda ta amince da karin girma ga mataimakan sufeto-Janar na ‘yan sanda biyu zuwa matsayi na gaba na mataimakan sufeto-Janar.
Haka kuma ta amince da karin girma ga kwamishinonin ‘yan sanda shida zuwa mataimakan sufeto-janar na ‘yan sanda tare da daukaka mataimakan kwamishinonin ‘yan sanda 17 zuwa kwamishinonin ‘yan sanda.
Hukumar ta bayyana hakan ne a cikin wata sanarwa mai dauke da sa hannun shugaban ‘yan jaridu da hulda da jama’a, Ikechukwu Ani a ranar Laraba.
A cewar sanarwar, hukumar ta kuma amince da karin girma ga mataimakan kwamishinonin ‘yan sanda 24 zuwa matsayi na gaba na mataimakan kwamishinonin ‘yan sanda; 49 manyan Sufeto Janar na ‘yan sanda zuwa matsayin mataimakan kwamishinoni.
Ta kuma amince da daukaka matsayin Sufeto Janar na ‘yan sanda 74 zuwa manyan Sufeto da mataimakan Sufiritanda 866.
Hukumar ta dauki wadannan matakai ne a taronta na 13 da ta gudanar a Abuja a ranakun Litinin 20 ga watan Disamba da Talata 21 ga watan Disamba, 2021, kafin daga bisani ta dage zamanta zuwa watan Janairun 2022 domin ci gaba da tattaunawa.
A yayin taron, rundunar ta kuma amince da tabbatar da masu mikamin ASP11 su 7,166 zuwa ASP1 tare da yin la’akari da kararraki 24 na kara girma da suka shafi daidaitawa a lokutan karin girma da sauransu.
Subscribe to Our VIP Newsletter
[newsletter_signup_form id=1]
