An kama wasu ‘yan Najeriya hudu tare da wata ‘yar kasar Guinea da kuma wata mata mazauna birnin Delhi bisa zargin damfarar mutane ta hanyar gudanar da wani gidan aure na bogi daga Delhi.
Shugaban ‘yan sandan Chandigarh, SP Ketan Bansal, ya ce ‘yan kungiyar sun damfari wata macen da ke zaune a Chandigarh dala miliyan 47.22.
An bayyana wadanda ake zargin ‘yan asalin Najeriya ne Ubasinachi Kelly Anago, mai shekaru 39; Joshva, 27; Prince Chinecheram Onoh, 35; Christian Anthony, mai shekaru 34; Pascal dan kasar Guinea, 28; da Shalini, mai shekaru 32, wacce mazaunin Delhi ce kuma matar Chinecheram Onoh.
An kwato wayoyin hannu guda 25, kwamfutar tafi-da-gidanka 3, modem guda uku da wayar layi daya daga hannun wadanda ake tuhumar. Matar mazaunin Chandigarh ta kai karar mutanen da ba a san ko su waye ba a ranar 18 ga Janairu.
Rundunar ‘yan sandan ta ce masu laifin ta yanar gizo sun yi rajistar kansu a shafukan aure da bayanan karya kuma suna wakiltar kansu a matsayin likitoci da sauran kwararru. Za su fara tattaunawa da wasu mutane kuma su sami amincewarsu. Bayan haka, za su gaya wa wadanda abin ya shafa cewa suna zuwa Indiya da kyaututtuka masu tsada amma hukumar Kwastam ta tsare su a filin jirgin.
Subscribe to Our VIP Newsletter
[newsletter_signup_form id=1]
