‘Yan majalisar kasar Andulusiya sun amince da kasafin kudin kasar na 2022 bayan da ‘yan majalisar kasar su ka goyi bayan wani sabon gyara game da yarukan marasa rinjayen kasar.
Yin la’akari da kaso na farko na Yuro biliyan 70 kwatankwacin (dala biliyan 79.11) daga asusun dawo da COVID-19 na Tarayyar Turai, kasafin 2022 ya ƙunshi adadin kashe kuɗi na tarihi kusan € biliyan 250 kwatankwacin $ biliyan 282.55).
Gwamnatin Spain ta tabbatar da cewa kashe kuɗin wanda a ka shigar ya dace da raguwar gibin jihar. Hasashen karuwar kashi 7% na GDP na shekarar 2022, wani abu da masana da yawa ke kallo a matsayin kyakkyawan fata, da gwamnati ta ce za shigar da bayanan adadin kudi a shekara mai zuwa.
Bangaren kashe kudaden ciki harda masu karbar fansho da na walwalar ma’aikatan gwamnatin wanda za su ga adadin kuɗin da suke yi na wata-wata ya karu da akalla kashi 2% a shekara mai zuwa.
Domin haɓaka fannin al’adu kuwa, duk wanda ya cika shekaru 18 a kasar, za a ba shi kyautar Yuro 400 kwatankwacin dala 452 domin kashewa kan wajen sayen littattafai ko yin wasu ayyuka kamar bangaren kide-kide ko wasan kwaikwayo.
Kusan mutane 70,000 masu shekaru 18 zuwa 35 suma za su iya cin gajiyar tallafin har zuwa Euro 250 kwatankwacin dala 283 a cikin kowane wata wanda gwamnati ke bayarwa domin taimakawa masu karamin karfi su sami kudin biyan haya a kasar ta Spain.
Haka kuma, karin haraji na kan gaba ga wasu. Tun daga shekara mai zuwa lokacin da kasafin ya fara aiki, manyan kamfanoni za su biya mafi ƙarancin kashi 15% na haraji, adadin da ya yi daidai da kudurin G20 na harajin kamfanoni.
Kasafin kudin dai ya samu amincewar karshe ne a ranar Talata bayan da ‘yan majalissu 281 suka kada kuri’ar amincewa da gyara na karshe sannan 62 kawai suka ki amincewa da shi.
Yarjejeniyar tana nuna ƙarin kwanciyar hankali ga gwamnatin haɗin gwiwa ta farko ta Spain karkashin jagorancin Socialists da Unidas Podemos. Tsakanin 2015 zuwa 2019.
Wannan shi ne karo na farko tun shekara ta 2014 gwamnatin Spain ta yi nasarar zartar da kasafin kudin shekara biyu a jere.
Firayim Ministan Spain Pedro Sanchez ya yaba da yarjejeniyar a matsayin wani muhimmin bangare na murmurewa ga kasar ta Andulusiya.
Subscribe to Our VIP Newsletter
[newsletter_signup_form id=1]
