Kungiyar masu fafutukar kafa kasar Biafra, IPOB, a ranar Laraba, ta bukaci al’ummar Kudu maso Gabas da su rinka binne wadanda suka mutu cikin kwanaki uku kacal.
IPOB ta ce, dabi’ar ajiye gawarwaki a dakin ajiyar gawa na dadewa ne ya haddasa wasu kalubalen da ke fuskantar yankin Kudu maso Gabas.
Kungiyar ta ce, kamata ya yi ‘yan kabilar Igbo su koma kan tsohuwar hanyar binne gawawwakinsu da wuri domin yana da tasiri mai kyau a yankin.
Wata sanarwa da mai magana da yawun kungiyar ta IPOB, Emma Powerful, ya fitar ta ce, kungiyar za ta bullo da matakan dakile yawan amfani da dakunan gawa a fadin Kudu maso Gabas.
Powerful ya ce, kungiyar ta IPOB na iya tilasta wa gidajen gawarwaki a yankin Kudu maso Gabas rufe.
Subscribe to Our VIP Newsletter
[newsletter_signup_form id=1]
