An dora wa ‘yan jarida alhakin aikin zurfafa bincike kan rahotannin da za su yi tasiri ga ci gaban al’umma da hanyoyin magance matsaloli.
Wannan wani bangare ne na tattaunawa a wani taron karawa juna sani na Mastermind Media Pro wanda ‘yar jarida da ta samu lambar yabo da yawa kuma marubuciyar littafin Distortion, Lady Ejiro Umukoro ta shirya, wadda LightRay Media ta hada a cibiyar Aquire da ke Effurun, yankin karamar hukumar Uvwie ta jihar Delta ranar Litinin.
Wasu batutuwan da aka tattauna a wajen taron sun hada da gano gibin da ke tattare da kafafen yada labarai, dalilin da ya sa suke da su, da abin da za a iya yi, domin magance su da kuma hanyoyin da kwararru za su hada kai, domin bunkasa sana’ar da kuma tabbatar da martabarta aikin.
Yayin taron an kuma yi musayar ra’ayi tsakanin ‘yan jarida kusan 20 da aka zabo daga yankunan Warri, Sapele da Ughelli na jihar.
Sun bayyana rashin tsaro, rashin isassun horo, rashin sabunta kima da walwala, da kuma rashin mutuntawa da kuma tsoratar da ma’aikata, a matsayin kalubalen aikin jarida a Najeriya.
Da take magana kan matakan da ‘yan jarida za su bi wajen cike gibin, wata ‘yar jarida mai suna Omamuzo Efidhere, ta bayyana ra’ayin ta na cewa, abokan aikin za su iya hada kai, domin samar da tambayoyin, idan daya daga cikinsu ya samu damar yin hira da wani fitaccen mutumi.
Ta ce, “Ta haka, za a iya magance batutuwan da suka fi yawa, kuma watakila, domin ci gaban al’umma.”
Wasu kuma sun ba da shawarar hadin gwiwa tsakanin abokan aiki, musamman wajen raba rahotanni, gaskiya da ‘yan uwantaka.
Wadanda suka shirya taron na LightRay Media sun bayyana cewa, wani shiri ne na mayar da hankali wajen tunawa da gudumawar mai koyarwa da jagoranci a fannin yada labarai da aikin jarida.
Ejiro Umukoro ya bukaci ‘yan jarida a fadin jihar Delta da su bibiyi hanyoyin warwarewa ga aikin jarida na ci gaba, domin su yi wa kansu wata kafa a harkar yada labarai.
Ta kuma karfafa gwiwar manema labarai da su fahimci damar da za su horar da su da kuma bunkasa kansu domin bunkasa kwarewarsu wajen bayar da rahoto
Subscribe to Our VIP Newsletter
[newsletter_signup_form id=1]
