Wasu ‘yan fashi sun kaddamarwa da wata motar dakon kudi a unguwar, Idi-Ape da ke Ibadan, babban birnin jihar Oyo.
Jaridar The Nation ta rawaito cewa, wasu majiyoyi sun shaida cewar, ‘yan sanda biyu sun mutu yayin da ‘yan fashin ke harbe-harbe a lokacin da suke gudanar da barnar. Sun ce motar kudin ta fito ne daga daya daga cikin bankunan da ke kusa da inda lamarin ya faru.
A kokarin tabbatar da faruwar lamarin daga ‘yan sanda ya ci tura, domin ba a samu jin ta jami’an hulda da jama’a na rundunar ‘yan sandan jihar Oyo ba.
‘Yan fashin sun tafi da motar, amma ba a iya tabbatar da dukkan batutuwan ba, har zuwa lokacin hada wannan rahoto, saboda ba a samu bayanin a hukumance ba. Majiyar ta ce, mazauna garin da masu ababan hawa da ke gefen titi sun buya, domin gudun kada ‘yan fashi da makamin su harbe su.
Subscribe to Our VIP Newsletter
[newsletter_signup_form id=1]
