‘Yan bindiga a Jihar Katsina, sun yi garkuwa da matan aure 4 da wasu mutum biyar a jiya Lahadi a Karamar Hukumar Dutsinma lokacin da ake mamakon ruwan sama.
Maharan da suka zo rike da bindigogi kirar AK-47, sun yi wa rukunin gidaje na Shema Quarters dirar mikiya da misalin karfe 11:30 na dare, inda suka yi ta harbe-harbe har na tsawon sa’o’i uku kafin zuwan jami’an tsaro.
Rahotanni sun ce ‘yan bindigan sun yi awon gaba da mata biyu daga gidan wani mutumi mai suna Usman Abdullahi Yarima tare da yin awon gaba da wasu uku.
Da yake tabbatar da faruwar lamarin, kakakin rundunar ‘yan sandan jihar ta Katsina, SP Gambo Isah, ya ce sun sami labarin abin da ya faru har ma sun aike da jami’an tsaro zuwa wajen domin fafatawa da ‘yan bindigar.
Ya kuma musanta rahotanni da suka bayyana cewa maharan sun yi ta harbe-harbe har na tsawon lokaci ba tare da zuwan jami’an tsaro ba.
Subscribe to Our VIP Newsletter
[newsletter_signup_form id=1]
