Wasu ‘yan bindiga da ake zargin masu garkuwa da mutane ne sun yi garkuwa da wasu dalibai hudu na kwalejin kimiyya da fasaha ta jihar Kogi a jihar Ondo.
‘Yan bindigar sun yi garkuwa da daliban ne a kan babbar hanyar Akunnu zuwa Ajowa a yankin Akoko North West na jihar Ondo.
An ce wadanda lamarin ya rutsa da su na kan hanyarsu ta komawa gida ne domin bukukuwan Kirsimeti da na sabuwar shekara a lokacin da ‘yan bindigar suka yi wa motar da suke ciki hanya.
Bayan faruwar lamarin, al’ummar Ajowa da daliban ke tafiya sun jefa su cikin firgici da tada jijiyoyin wuya tsakanin iyaye da sauran al’umma.
Wata majiya a unguwar ta shaida wa wakilinmu cewa, an yi garkuwa da mutanen ne a lokacin da suke dab da isa wurin da suke Ajowa.
Majiyar ta kara da cewa har yanzu masu garkuwa da mutanen ba su tuntubi ko daya daga cikin iyalan daliban da aka sace ba.
Da yake tabbatar da faruwar lamarin, kwamandan ‘yan sanda a Ikare-Akoko, ACP Muri Agboola, ya bayyana cewa mutanensa sun yi ta tseguntawa dazuzzukan da ke kan hanyar Akunnu-Ajowa Akoko domin ceto daliban da aka sace.
Subscribe to Our VIP Newsletter
[newsletter_signup_form id=1]
