Wani gini mai hawa bakwai da ake ginawa ya rufta a yankin Banana Island da ke Ikoyi a jihar Legas.
Jaridar Punch ta ruwaito cewa ginin ya ruguje ne da rana.
A cewar kafar yaɗa labaran, ginin ya rufta a daidai lokacin da wasu daga cikin masu aikin ginin suka tashi.
Sai dai akwai wasu da rahotanni suka ce sun jikkata sakamakon lamarin.
Kakakin hukumar kashe gobara ta jihar Legas, Amodu Shakiri ya tabbatar da faruwar al’amarin.
Ya ce “mun samu kiran gaggawa da kusan ƙarfe 3:58pm. Muna ci gaba da ƙoƙarin tabbatar da cewa babu wani da ya maƙale a ɓuraguzon ginin.”
Subscribe to Our VIP Newsletter
[newsletter_signup_form id=1]
