Muktar Rabiu, wanda ake zargin da satar kebul a Abuja, ya gamu da mummunan rauni daga wutar lantarki yayin da yake kokarin satar kebul mai wutar lantarki mai karfi a yankin babban birnin tarayya.
Wannan lamari ya faru ne a ranar 28 ga Nuwamba, 2024, ‘yan makonni kaɗan bayan da aka yanke masa hukuncin aikin al’umma bisa laifin satar kebul.
Wannan bayani ya fito ne daga bakin Mai Magana da yawun rundunar ‘yan sandan FCT, Josephine Adeh, a ranar Litinin.
Adeh ta ce an kama Rabiu ne a ranar 21 ga Nuwamba, 2024, a lokacin wani zagaye na yau da kullum a hanya ta Christ the King a Gwagwalada.
Tace an same shi da kebul mai wutar lantarki mai karfi da ake zaton an sace daga Kamfanin Raba Wutar Lantarki na Abuja.
Ta kara da cewa bayan an gurfanar da shi a kotu, an yanke masa hukuncin aikin al’umma, wanda ya hada da bulala 42.
Adeh ta ce hukuncin bai sa Rabiu daina aikata laifukansa ba.
“Amma a wannan karon, A ranar 28/11/2024, ‘yan makonni kaɗan bayan aikin al’umma, yayin da yake kokarin rushe na’urar lantarki, Rabiu ya gamu da mugun rauni daga wutar lantarki, wanda ya jikkata shi sosai. Yanzu haka yana samun kulawar lafiya a asibiti,” Adeh ta kara da cewa.
Ta ce, idan ya samu sauki, za a gurfanar da shi a kotu.
Subscribe to Our VIP Newsletter
[newsletter_signup_form id=1]
