Willian Estevão zai koma Chelsea bayan gasar cin kofin duniya ta kungiyoyin kwallon kafa a watan Yuni.
Wakilin Estevão Andre Cury ne ya bayyana hakan yayin wata hira da ya yi da AS.
“Zai koma Chelsea bayan gasar cin kofin duniya,” in ji Cury.
Ya kara da cewa “Dan wasa ne mai daraja a duniya, yana da kyau sosai, zai kafa tarihi a Chelsea. PSG da Bayern ma sun so saye shi.”
Chelsea ta dauki matashin dan kasar Brazil ne a bara daga Palmeiras.
Estevão ya ci gaba da zama tare da Palmeiras bayan ya rattaba hannu a kulob din Premier League na yammacin London.
Dan wasan, wanda zai cika shekara 18 a watan Afrilu, ya rattaba hannu kan kwantiragi da kungiyar ta Blues wanda zai ci gaba da zama a Stamford Bridge har zuwa shekarar 2033.
Chelsea ta biya Palmeiras Yuro miliyan 34 ƙayyadaddun farashin sa hannun Estevão a bara.
Subscribe to Our VIP Newsletter
[newsletter_signup_form id=1]
