Wani matashi dan shekara 28 mai suna Sodiq Aremu, ya kashe kansa bayan ya fada cikin tekun Legas da ke unguwar Elegushi a jihar.
An ce marigayin ya yi tattaki zuwa bakin ruwa a gabar ruwan Elegushi da misalin karfe 11 na daren Laraba, 7 ga Yuli, 2022.
Majiyar ‘yan sanda ta ce, kafin kowa ya gane abin da ke faruwa, marigayin ya jefar da wata jaka da yake rike da ita ya yi tsalle ya shiga cikin ruwa.
An kuma bayyana cewa, kokarin da mutanen da ke kusa da gabar teku suka yi na ceto shi ya ci tura.
Jami’in hulda da jama’a na rundunar ‘yan sandan jihar Legas, SP Benjamin Hundeyin, wanda ya tabbatar da faruwar lamarin, ya ce, marigayin ya fito ne daga yankin Ona Ara a Ibadan, jihar Oyo, ya yi mamakin abin da yake yi a bakin tekun da daddare.
A cewarsa, tawagar ‘yan sanda daga sashin ruwa na rundunar ‘yan sandan jihar sun ziyarci wurin. An dauki hoton gawar ne kafin a ajiye gawar a dakin ajiyar gawa.
Subscribe to Our VIP Newsletter
[newsletter_signup_form id=1]
