Gabanin zaben 2023, Alhaji Sahabi Bojo-Bodinga daya daga cikin jiga-jigan dattijan jam’iyyar PDP a jihar Sokoto ya sauya sheka zuwa jam’iyyar All Progressives Congress (APC).
Bojo-Bodinga ya samu tarba daga shugaban jam’iyyar APC na jihar, Sanata Aliyu Wamakko (APC-Sokoto ta Arewa), a gidansa da ke Sokoto ranar Juma’a.
Hakan na kunshe ne a cikin wata sanarwa da aka raba wa manema labarai a Sokoto ranar Asabar ta hannun mai ba da shawara ta musamman kan sabbin kafafen yada labarai na Wamakko, Bashar Abubakar.
Abubakar ya bayyana cewa taron ya samu halartan taron ministan harkokin ‘yan sanda, Alhaji Maigari Dingyadi, dan takarar gwamna na jam’iyyar APC a jihar, Alhaji Ahmad Aliyu, da sauran fitattun ‘yan jam’iyyar APC da dama.
Ya ruwaito Alhaji Isa Sadiq-Achida, shugaban jam’iyyar APC na jihar a lokacin da yake magana a madadin jam’iyyar yana tabbatar wa sabon dan jam’iyyar da magoya bayansa cewa za su yi daidai da sauran mambobin jam’iyyar.
Ya ce, “Hakika ina da yakinin cewa sauya sheka na Bojo-Bodinga, alama ce mai kyau ga jam’iyyar APC kuma alama ce ta nasarar jam’iyyar a dukkan matakai.”
A nasa bangaren, Bojo-Bodinga, dan jam’iyyar PDP mai wakiltar mazabar Sokoto ta Kudu, ya bayyana cewa shi da jiga-jigan magoya bayansa a fadin jihar sun fice daga PDP zuwa APC.
Subscribe to Our VIP Newsletter
[newsletter_signup_form id=1]
