Hukumar Zabe Mai Zaman Kanta ta Kasa (INEC), ta ce wa’adin ci gaba da yin rajistar masu kada kuri’a (CVR) ya rage ranar 31 ga watan Yuli, kuma wadanda suka yi rajista fiye da sau daya ba za su samu katin zabe na dindindin ba, PVCs.
Shugaban hukumar zabe mai zaman kanta, INEC FCT, Alhaji Yahaya Bello, ne ya bayyana haka a wani taron manema labarai game da shirin hukumar na shirye-shiryen babban zabe na 2023, kan CVR, ingancin PVC da tattarawa a Abuja.
Bello ya ce, za a dakatar da duk wasu ayyuka na CVR in ban da tarin kayan aikin da aka riga aka buga a ranar Lahadi, 31 ga watan Yuli, inda ya ce hukumar ta kara sa’o’in rufewa zuwa karfe 5 na yamma har da ranakun Asabar da Lahadi.
A cewarsa, an yi hakan ne domin a samu taruwar wadanda a yanzu suka gane cewa suna bukatar PVC dinsu a sa’ar karshe na shirin da aka kwashe sama da shekara guda ana yi.
Subscribe to Our VIP Newsletter
[newsletter_signup_form id=1]
