UNICEF ta yi Allah wadari da tsare yara a Coci

Asusun kula da kananan yara na Majalisar Dinkin Duniya, ya yabawa gwamnatin tarayya da jami’an tsaro kan ceto yaran da aka sace a jihar Ondo.

Jaridar DAILY POST ta rawaito cewa, an ceto yaran da wasu manya daga wata coci.

Wata sanarwa da kwararre kan harkokin sadarwa na UNICEF, Geofery Njoku ya sanya wa hannu, ta ce, ba za a taba tsare yara ba tare da son ransu ba a kowane irin yanayi.

Ta yi Allah-wadai da cin zarafin yara, inda ta yi gargadin cewa ana auna al’umma ne da yadda take mu’amala da ‘ya’yanta.

UNICEF ta kuma dorawa gwamnati alhakin kara kokarin kare yara daga kowane irin tashin hankali.

UNICEF ta yaba da yadda aka ceto kimanin yara 27 da aka yi garkuwa da su ba tare da son ransu ba a wani coci a jihar Ondo.

Subscribe to Our VIP Newsletter

[newsletter_signup_form id=1]